Ես ինքս ժամանակին թերահավատորեն եմ մոտեցել սոց. ցանցերին և ոլորտի հետ որևէ կապ չեմ ունեցել։
Դպրոցը ոսկե մեդալով ավարտելուց հետո կրթություն եմ ստացել Երևանի Պետական Բժշկանան Համալսարանում, որը ավարտելուց հետո ապրել եմ երեք տարի Գերմանիայում, որտեղ էլ Hochschule Fulda-յում ավարտել եմ հանրային առողջության մագիստրատուրա։ Գերմանիայի և Հայաստանի կյանքի տարբերությունների մասին առաջին վիդեոյով էլ սկսվեցին իմ Տիկտոկյան արկածները։
Մոտ երկու տարում ձևավորեցի 250K+ հետևորդների ընտանիք Տիկտոկում և 170K+ Ինստագրամում։ Սոց. ցանցերը դարձան իմ տարրերքը, իմ երկրորդ մասնագիտությունը և այսօր իմ եկամտի հիմնական աղբյուրը։
2022թ. ապրիլից սկսեցի իմ հեղինակային դասընթացները, որտեղ կիսվում էի իմ գիտելիքներով և փորձով ու օգնում տարբեր մասնագետների, բիզնես էջերի, բլոգերների և պարզապես ոլորտի սիրահարերի հասնել իրենց երազած արդյունքին, ձեռք բերել նոր հետևորդներ, հաճախորդներ և բազմապատկել եկամուտը։
Այս պահին իմ դասընթացները ավարտել են 200+ ուսանողներ, ում արդյունքներին կարող եք ծանոթանալ մեր համանուն ինստագրամյան էջում, իսկ իրենցից շատերին վստահաբար հաճախ տեսնում եք ձեր «ռեկերում»։
Ուրախ կլինեմ, եթե դու նույնպես թույլ տաս՝ լինեմ քո Տիկտոկի ուղեկիցը։